2010-01-13

桃花園記

自從喺呢間公司做之後,每年新春都會去新界幫老闆揀桔和桃花。老闆非常重視每年桃花開得靚唔靚,所以我地每次都精挑細選,務求每棵桃花都開得靚靚,老闆就心情靚靚,公司大展鴻圖。

唔知點解,每年我都幾期待去揀桃花,除左因為可以有半日唔駛響公司坐,更重要係可以同同事一齊開開心心郊遊新界一番。今年因為我個部門多了新同事,所以一行五人浩浩蕩蕩下午兩點半出發。

第一站係去桔園。此園莊老闆娘係幫開我地打理公司盆栽,所以每年送過嚟既桔都有番咁上下。今年見生意好轉,所以我都膽粗粗揀棵幾高既桔,打算放喺大廈門口當眼處,夠氣勢嘛!



揀完桔,拿拿林走去錦上路那邊揀桃花。呢檔桃花園我地已經幫襯第4年,雖然每年只見一次,但老闆財哥都認得我地,仲可以講到我地既公司名,生意人真好記性。可能今年天氣較凍,加上經濟好轉,花價都升左約兩成,我地派出幾位阿姐講價講到牙血都出埋,先可以用$4880成交兩棵約8呎既桃花,真係心力交瘁 (如果冇老闆娘響度阿之阿左,應該可以以較低價成交)。



個園都幾大,約有二百幾棵桃花



五代同堂,好趣緻呢


講價三寶 DC/JK/Fat


我地揀中既其中一棵,足8呎啦

勞碌半日,梗係要去抖下啦。接著我地去左蘇絲黃極力推介既榮昌豬扒飽。此店位處粉錦公路,環境幽靜,有d似以前大埔道既沙田茵餐廳。豬扒飽當然係我地既重點目的,當中四位同事都係叫呢個鎮點之寶。食落......  d飽幾鬆軟,但豬扒冇乜汁,洋蔥亦唔多夠,只可以叫做不過不失啦,無甚驚喜。



室外雅座


有小盆栽賣,一d都唔貴架


由於是日太凍,一向鍾意飲凍野既我都要
叫杯熱華田暖下


我鍾意樹,所以覺得呢條路好靚

是日飲到5點3,太陽都開始落山,係時候返歸喇。2010年桃花園遊就此結束,下年見!

7 comments:

Anonymous said...

haha.. do you know i like trees too??? haahaha.....
it's so funny when i read "我鍾意樹" .... so new to me... it's from you.. my dear friend:) hahaa...

By: Dai Fung

TT騰 said...

嘻, 我都記得你講過呀, 我都鍾意呀冇講之嘛, 嘻嘻 !!

Anonymous said...

有沒有運吉完記架? haha

TT震講乜啫 said...

好多人黎運吉完啦....

tamdada said...

可唔可以講講你買桔同桃花既店名呀???

TT震講乜啫 said...

to tamdada: 好的, 但我今日放假, 聽日返公司抄個名同電話俾你

TT震講乜啫 said...

to tamdada: 桃花係財記農場, tel: 24889505 address: 石崗錦上路華苑對面

桔就係幫開我地公司提供花卉既公司, 唔知佢賣唔賣零售喎。 同樂園 tel: 23359380 address: 西貢北港路菜園村7號