2010-03-04

80年代「港中女」代表 ─ 楊門女將

近排星期二檔案「中女自白」熱爆,個個喺度講訪問中Queenie一句"豪俾你"好型,乜Jenny呢個97落選港姐醜左咁多,Winnie個樣有d惡頂等等,好不熱鬧。今日蘋果C1講導演于仁泰諗住集齊當紅五旦鞏俐、章子怡、周迅、湯唯、同楊紫瓊開拍《楊門女將》,令我諗起細細個時好迷既電視版楊門女將,堪稱集當時得令既中女於一身既劇集。

TVB既《楊門女將》係1981年首播,以當時人氣高企既阿姐汪明荃飾演既穆桂英為首,率領一眾老中青女演員擔當演出。除阿姐外,我印象最深刻既係成日拎住個"權仗"既老太婆湘漪,其一副鞋抽臉加埋唔出聲都凶到你面青既惡相,真係爛佬都要忌佢三分。另外一個係睇落幾「型仔」既馮寶寶,80年代既TB可能都會唔多唔少抄下佢既造型。至於其他角色其實印象不深,只記得9姊妹中,最大到第七既叫「娘」(如楊六娘),第八第九就叫「妹」,點解咁分呢下? 點解個分界線要係between七同八呢?  當時細個唔明,而家諗諗下,應該係個八妹未嫁卦??

當年《楊門女將》好睇之處在於好多「場口」都係成班女人集埋一齊商討對策,點樣打番邦啦,點樣解決家中糾紛啦,兒女私情啦,你一句我一句非常過癮。當時冇好似宮心計或溏心風暴式既夾硬搵交黎嗌,個個講野有紋有路有見有地,呢D先叫真正既「中女」架嘛。雖然講做戲個個交足貨,但功架就真係差強人意,揮刀弄劍雞手鴨腳,搞笑居多。

于導演大可在新戲加插楊門奶媽戲份,
由鞏俐訓身演出

盡我所能數
後排左起:李琳琳、A、B、鄭少萍、羅蘭、夏雨、阿姐、C、D、白茵、曾慶瑜
前排左起:馮寶寶、湘漪、E

最後奉上《楊門女將》主題曲,以前一聽阿姐唱 "英姿煥發......" 即刻仆去電視機架



5 comments:

Fun said...

A - 黃文慧, B - 曾慶瑜 (枉你唔知), C- 上官Jade, D - 梅蘭

八/九妹係楊家d女呀, 唔係新袍黎架嘛~

Fun said...

sorri, B 係陳嘉儀!

:P

TT said...

咁E係咩呀!!

Anonymous said...

E=黃敏儀(楊金花)

Anonymous said...

其實頭十幾集跟番邵氏套14女英豪拍是OK的.尾嗰廿集自行創作方才慘不忍睹.湘漪始終是佘太君的最佳演繹者.