我地眾人先約在大堂等候，一上到病房見到呢位朋友，嘩成個人落哂型，本來面圓圓成個波咁既佢，變到塊面凹哂成個肚冇左張枱咁，真係見者心酸。插住多條喉管既佢把聲好弱，我都好勉強先聽到佢講既野。而大家都好有心，不斷同佢傾計講下笑咁，務求令到個氣氛輕鬆D，所以講下笑下都探咗成個半鐘先鬆人。
探完病都九點鐘，眾人都嗌肚餓。法國醫院位近九龍城，而九龍城又出名泰國野，既然泰國而家立立亂冇得去，我地就食泰國野當解下「鄉愁」啦。今次試既係"同心泰國菜館"!
餐廳位於公園側邊，好易搵
眾人極餓，狂點餸
好想試呢D咖喱麵包，但最後冇點
串燒雞牛
拼盤有我最like既蝦餅
豬頸肉 ─ 唔肥喎，ok喎
海南雞飯 ─ 好似DJ Station出面好食D喎
珍多冰，甜到呢
炒菜苗
冬蔭公 ─ 色水唔靚但飲落又Ok喎
Pat Thai ─ 死啦，我發覺我越黎越麻麻食 Pat Thai
JC企咗響病房兩粒鐘，攰到陰公
是日食到10點半散Band，希望下次臥床友人可以精神奕奕再join我地食過啦。
1 comment:
粟米含有30多種營養成份，如鐵、鈣、硒、鋅、鉀、鎂、錳、磷、葡萄糖、蔗糖、果糖、氨基酸、維他命E、胡蘿蔔素、膳食纖維．．．等。此等營養組合，更能滿足人體營養平衡，具有提高大腦細胞活力、提高記憶力、促進生長發育、增強有益菌、抑制有害菌、防止細胞老化、延緩衰老、防癌抗癌等保健作用。 胡蘿蔔素被人體吸收後轉化為維他命A，具有防癌作用；膳食纖維能加速癌物質和其他毒素排出，可預防腸炎和腸癌，並能降低膽固醇，預防高血壓和冠心病；維他命E則有促進細胞分裂，降低血清膽固醇，防止皮膚病變，還能減輕動脈硬化和腦功能衰退。都市人多肉少菜，每日飲用新鮮粟米汁，生活簡單啲，人都健康啲。
http://2plus3.vze.com
Post a Comment