2010-06-04

被河蟹的六四

今日在微博興起既遊戲,係邊個既留言最快被系統管理員「河蟹」。

微博係新浪出品,敏感字如"六四"、"劉曉波"等當然自動篩選唔能夠post,但原來微博背後有一群用"肉眼"觀察既系統管理員,隨時隨刻留意大眾既留言,唔係幾啱聽既都一於照刪。

呢兩日我就收到以下系統私信:


真無奈,咁溫和既評論都被刪!  我第一次感受到言論自由被禁制,真的很難受,很難受。

而微博亦做得好徹底,平時可用既蠟燭同蛋糕符號,今日統統失蹤,心不禁彈一句:「洗唔洗呀?????」。

不過點都好,呢件事係發生咗就係發生咗,冇得否認。我只希望有良知既人,不要因為獻媚或睇到國家有著數,而去否定當日曾經為民主為自由為反腐敗而犧牲既學生平民所做過既野,佢地付出既係一條條寶貴生命,還用不屑既語言去評論佢地,實屬令人髮指!!


2 comments:

Ogake said...

我有a/c, 但無用過~
我怕他日香港都會係咁~
好好珍惜呀!

TT said...

真係要好好珍惜, 自由表達原來唔係必然!!