傻仔唔識戴錶

由於近期港姐新聞多多，顧住update隔離台港乜姐，都少咗時間update我個騰騰鎮，真係要focus返多d先得!

呢排唔知蕃茄做乜鬼，繼上次送了盆栽擺設俾我，近日又無事無幹無啦啦送件驚喜禮物俾我喎，今次仲係闊佬咗添!

登登登櫈

嘩.....

估唔到蕃茄會送我兩隻錶喎，咁岩得咁橋我真係想買錶，真係非常多謝呀!

好喇，入正題，以下一則傻仔戴錶故事：

話說我不嬲都好少買錶，由細到大可能買錶唔過十隻，所以對錶既common knowledge真係好一般。咁呢，我戴圖中右手既錶返咗一日工，到第二日，發現停咗喎，我以為我較錯咗，所以較返岩之後繼續戴。之後過咗一個weekend，又發覺停咗，於是去間舖問下係咪壞咗。

去到間舖後我同老闆講哂成個story，佢笑笑口話：「呢d錶要戴住成會郁架喎!」哦... 原來係用Kinetic energy作運行動力既錶，我記得我都聽過下呢D錶，但我以為係Rolex果d貴錶先會咁添!  好彩我d聲氣都好好，唔係實俾個老闆串返轉頭呀，滴汗......!

傻仔唔識戴錶故事就此完畢